O'zbekiston olimpiya terma jamoasi ayni vaqtda Toshkentda yig'in o'tkazmoqda. Ushbu yig'in doirasida ushbu jamoa Namanganning “Navbaxor” klubi bilan nazorat uchrashuvi tashkil etildi.
Qiziqarli kechgan ushbu uchrashuv O'zbekiston olimpiya terma jamoasi g'alabasi bilan yakunlandi. Uchrashuv taqdirini 51-daqiqada Bekobodning “Metallurg” klubi vakili Shoxnazar Norbekov kiritgan yagona gol hal qildi.
Ta'kidlash kerakki, Olimpiya terma jamoasining Toshkentdagi o'quv-yig'ini 13 oktyabrgacha davom etadi.
O'zbekiston U-23 - “Navbaxor” 1:0
Gol: Shoxnazar Norbekov (51)
O'zbekiston: Abdukarim Muhammedov, Boburbek Yo'ldoshev, Maksimilian Fomin, Diyor Turopov, Abdulloh Alimov, Jahongir Abdumo'minov, Jaloliddin Masharipov, Nikita Pavlenko, Ikrom Aliboev, Jasur Hakimov.
Zaxiradan maydonga tushganlar: Asilbek Omonov, Javlon Mirabdullaev, Quvondiq Ro'ziev, Timur Hakimov, Otabek Shukurov, Shoxnazar Norbekov, Jamshid Iskanderov.
— deya xabar beradi uff.uz nashri.