"Arsenal" klubi "Lester" himoyachisi Ben Chiluellni yanvarda sotib olmoqchi.
Xabar qilinishicha, londonliklar 19 yoshli futbolchi uchun 5 million funtdan ko'proq mablag' taklif qilmoqda. Chiluell bilan shuningdek "Liverpul" va "Tottenxem" ham qiziqish bildirmoqda.
Himoyachining "Lester" bilan shartnomasi bir yarim yildan so'ng yakuniga etadi. Ammo klub uning maoshini oshirgan holda, Chiluell bilan yangi shartnoma imzolamoqchi. Ayni vaqtda futbolchi "Lester"da haftasiga bor yo'g'i 800 funt maosh oladi.
Eslatib o'tamiz, Chiluell shu vaqtga qadar Angliya chempionatida biror marta maydonga tushmagan. Noyabrdan yanvarga qadar esa "Xaddersfild"da ijara asosida o'ynagan edi.
— deya xabar beradi uff.uz nashri.