Madridning "Real" klubi bosh murabbiyi Zayniddin Zidan yarim himoyachi Xames Rodriges jamoadagi o'rnidan norozi ekani haqidagi xabarlar haqida fikr bildirdi.
"U qanday o'ynashini ertaga hamma ko'rib olishi mumkin. Xames hafta davomida boshqalar qatori juda yaxshi ishladi. U o'z ishidan xursand.
Xames biz uchun qay darajada muhim ahamiyatga ega ekanini biladi. Ko'ramiz, ertaga nima bo'lar ekan, ammo u maydonga tushishga tayyor.
Men Xamesga boshqalarga qaraganda ko'proq e'tibor qaratmayman, ammo biz do'stlarmiz. Menimcha u mutlaqo hech narsadan norozi emas. U o'zini yaxshi his qilayotganini aytmoqda.
U ham boshqalar kabi o'yinga tayyor turishi lozim. Bizning rejamiz - ajoyib holatda bo'lish. Xames haqidagi xabarlardan esa jahlim chiqadi. Biz bunday mish-mishlarni chetga surib qo'yishimiz lozim", - deydi Zidan.
— deya xabar beradi uff.uz nashri.