“Chelsi” klubi bosh murabbiyi Gus Xiddink “Arsenal”ga (1:0) qarshi kechgan Angliya chempionatining 23-tur uchrashuvidan so'ng o'z fikrlarini bildirdi. “Bugun yigitlar o'z vazifalarini a'lo darajada bajarishdi. Biz raqibga hech qanday imkoniyat qoldirmaslik uchun astoydil harakat qildik. “Arsenal” – kuchli jamoa va o'n kishi bo'lib ham ko'p narsalarga qodir. Chetlatishga qadar bizda yaxshi hujumlar bo'ldi va Villianda bir necha vaziyatlar yuzaga keldi. Qizil kartochka esa ishimizni biroz engillashtirdi, ammo “Arsenal” kamchilik bo'lib ham yaxshi o'ynay oladi. Umuman olganda, bugungi natijadan juda mamnunman. Biz etti o'yindan beri yutqazmayapmiz, ammo ko'p durang o'ynaganimizdan ko'nglimiz to'lmadi“, – deydi Xiddink.
— deya xabar beradi uff.uz nashri.