“Bunyodkor” – “Amkar” (1:1) uchrashuvidan so'ng permliklar bosh murabbiyi Gadji Gadjievning fikrlari bilan qiziqdik.
- Aniq yili esimda yo'q, lekin “Bunyodkor”ning Toshkentdagi qaysidir uchrashuvida ishtirok etgandim. O'shanda yangi stadion qurilishi loyihalashtirilayotganini ko'rgandim. Oradan qancha vaqt o'tgan bo'lsa ham, “Bunyodkor” o'z saviyasini saqlab qolgan.
Bugungi bahsda toshkentliklar menda yaxshi taassurot qoldirishdi. Jamoa yosh va yaxshi shakllangan bo'lib, tartibli o'yin namoyish etmoqda. Tarkibda texnikasi yuqori bo'lgan futbolchilar harakat qilishyapti. Bizda bo'ydor futbolchilar ko'p bo'lishiga qaramasdan “Bunyodkor” ikkinchi qavatda deyarli engilgani yo'q. Zaxiradan tushgan futbolchilarning ham harakatlari chakki emas. Biz ma'lum tanaffusdan keyin endi mashg'ulotlarni boshladik. Hali tayyorgarligimiz yuqori cho'qqisiga chiqqani yo'q. O'zbekistonda do'stlari bor.
Masalan, Mirjalol Qosimovni juda yaxshi eslayman. Sobiq Ittifoq yoshlar terma jamoasida ishlagan davrimda u qo'l ostimda o'ynagan. O'zbekiston terma jamoasi Osiyoda yomon ishtirok etmayapti. Jamoaning keyingi faoliyatiga omadlar tilab qolaman, - deydi “Amkar” jamoasi bosh murabbiyi Gadji Muslimovich.
— deya xabar beradi uff.uz nashri.