“Buxoro” navbatdagi nazorat uchrashuvini o'tkazdi. Bu uchrashuvda jamoamiz Muborakning “Mash'al” jamoasiga qarshi to'p surdi va 0:1 hisobida mag'lub bo'ldi. Bu uchrashuvda buxoroliklar katta ustunlikka ega bo'lishdi va juda ko'plab golli vaziyatlardan unumli foydalana olishmadi. Muborakliklar esa sanoqli vaziyatlarning birini golga aylantira olishdi va g'alaba qozonishdi. Ushbu uchrashuvda “Buxoro” tarkibi quyidagicha bo'ldi: Sardor Qobuljonov, Maksimilian Fomin, Artyom Filiposyan, Otabek Narzullaev, Bobir Amonov, Pavel Smolyachenko, Suxrob Nematov, Salamat Qutiboev, Ma'ruf Murodov, San'at Shixov, Baxodir Pardaev Zahiradan tushganlar: Alisher Shog'ulomov, Timur Hakimov, Dilshod Sharofetdinov, Jamoliddin Ubaydullaev, Alisher Sanaev, Nozim Umurov, Nodir Davlatov. Bu uchrashuvda Olimpia terma jamoasi hujumchisi Timur Hakimov “Buxoro” tarkibida debyut qildi. Bundan tashqari yana bir Olimpia terma jamoasi a'zosi, himoyachi Sardor Rahmonov ham buxoroliklar safiga kelib qo'shildi. U kecha mashg'ulotlarni boshlab yuborganligi sababli, bugungi uchrashuvda ishtirok etmadi. Tajribali himoyachimiz Ruslan Melziddinovda kichik jarohat borligi uchun, u ham bugun uchrashuvda ishtirok etmadi.   “Buxoro” keyingi nazorat uchrashuvini 29 yanvar kuni Bekobodning “Metallurg” klubiga qarshi o'tkazadi.
— deya xabar beradi uff.uz nashri.