Bugun Oliy Liganing 25-turidan o'rin olgan 2ta uchrashuv bo'lib o'tadi. Mazkur o'yinlar ko'pchilikda qiziqish uyg'otmoqda. Negaki, ochko juda zarur bo'lganlar o'rtasida bahs bo'lib o'tadi. Ushbu o'yinlar oldidan juftliklarda kimning imkoniyatini chamalab ko'ramiz.
Dinamo - Bunyodkor
Samarqandda qiziqarli o'yin bo'lishi aniq. Bahrom Hakimov bosh murabbiy etib tayinlanganidan so'ng samarqandliklar ancha kuchaydi. Tarkib ham shakllandi. "Bunyodkor" esa bosh murabbiysiz qolganidan so'ng ham, o'zgarish bo'lgani yo'q. O'sha-o'sha o'yin va natijalar ko'rsatilmoqda. Bu o'yinda mehmonlarning kichik ustunligi bor. "Bunyodkor" baribir tajribaga eg hisoblanadi. Shuning uchun ham Samarqandda g'alaba qozona olishi mumkin. Boz ustiga Baxtiyor Boboev ustozlik qilayotgan jamoa O'zbekiston Kubogi finali deb "Dinamo"ga qarshi o'yinni berib yubormasligi tabiiy.
Imkoniyatlar: 40/60
Nasaf - Neftchi
Turning markaziy bahsi Qarshida bo'lib o'tishi ko'zda tutilgandi. "Nasaf" o'z maydonida "Neftchi"ga qarshi to'p suradi. Ikkinchi davrada o'ziga o'xshamay qolgan farg'onaliklar tobora o'z o'yinlarini topib olib, kerakli ochkolarni ishlay boshladi. Shu boisdan Ro'ziqul Berdiev jamoasiga qiyin bo'lishi aniq. Har holda bu o'yinga bo'lgan qiziqish yuqori. Berdiev ham Kubok finali deb mazkur bahsda tavakkalchilik qilmasligi tabiiy. Taxminlarga ko'ra, o'yinda do'stlik g'alaba qozonishi kutilmoqda.
Imkoniyatlar: 50/50

— deya xabar beradi uff.uz nashri.