Xabaringiz bor, 10-21 fevral kunlari poytaxtimiz Toshkentda futzal bo'yicha XIV Osiyo chempionati bo'lib o'tadi. Turnirni OAV tomonidan yanada sifatliroq qilib yoritishni ta'minlash va OAV o'rtasidagi sog'lom raqobatni yanada oshirish maqsadida, O'FA musobaqa va musobaqagacha bo'lgan kunlarda faol faoliyat olib borgan tashkilotlarni qimmatbaho sovg'alar bilan taqdirlaydi.
Unga ko'ra, OAVning to'rtta yo'nalishi bo'yicha eng yaxshi uch tashkilot g'oliblar safidan o'rin oladilar. Nominatsiyalar quyidagicha ko'rinish olgan:
1. Futzal bo'yicha Osiyo chempionatini yoritgan "eng yaxshi TV" (ko'rsatuv, yangiliklar dasturi, loyiha va xakozo).
2. Futzal bo'yicha Osiyo chempionatini yoritgan "eng yaxshi bosma nashr" (sportga oid bo'lmagan gazetalar ham ishtirok etishlari mumkin).
3. Futzal bo'yicha Osiyo chempionatini yoritgan "eng yaxshi elektron nashr" (sportga oid bo'lmagan saytlar ham ishtirok etishlari mumkin).
4. Futzal bo'yicha Osiyo chempionatini yoritgan "eng yaxshi radio kanal". G'olib va sovrindorlar O'FA rahbariyati va xodimlarining kuzatuvi natijasida aniqlanadi. Tanlovda ishtirok etish uchun o'zingiz haqingizda ma'lumot berishingiz shart emas. Oy davomida qilingan mehnatingizni, O'FA vakillarining o'zlari kuzatib boradilar va Sizlarni taqdirlaydilar. Bunda sizning musobaqadan avval ham qilgan mehnatingiz besamar ketmaydi.
— deya xabar beradi uff.uz nashri.