Ma'lumki, shu kunlarda Qatar poytaxti Doha shahrida boks bo'yicha kattalar o'rtasida 18-jahon chempionati o'tkazilyapti va mazkur dunyo birinchiligida 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining 23 yo'llanmasi ham o'ynaladi.
Demak, jahon chempionatida ishtirok etayotgan 243 nafar charm qo'lqop ustasidan 23 nafari kelasi yili Rio-de-Janeyro ringlarida Olimpiada o'yinlari medallari uchun kurash olib borish xuquqiga ega bo'ladilar.
Ushbu yo'llanmalar quyidagicha taqsimlangan:
-49 kg. – 2 ta
-52 kg. – 2 ta
-56 kg. – 3 ta
-60 kg. – 3 ta
-64 kg. – 3 ta
-69 kg. – 3 ta
-75 kg. – 3 ta
-81 kg. – 2 ta
-91 kg. – 1 ta
+91 kg. – 1 ta
Mazkur jahon chempionatida yo'llanma ololmagan sportchilar 2016 yilning fevral - aprel oylarida o'tkaziladigan qit'aviy saralash turnirlariga o'z imkoniyatlarini yana bir bora sinab ko'radilar. Osiyo/Okeaniya qit'aviy turnirida jami 30 ta yo'llanma o'ynaladi va har bir vazn toifasida 1-3 o'rinlarni egallagan sportchilar Olimpiada o'yinlarida ishtirok etish xuquqini qo'lga kiritadilar. Shavkat Jalilov
07.10.2015
Manzil: O'zbekiston Milliy Olimpiya qo'mitasi matbuot xizmati

— deya xabar beradi uff.uz nashri.