“Fulxem" klubi hujumchisi Mussa Dembele "Monako" jamoasi futbolchisiga aylanadi. Xabar qilinishicha, monekgaskalara "PSJ" tarbiyalanuvchisi bo'lmish hujumchi bilan shaxsiy shartnoma borasida muzokaralar olib borishmoqda. Dembelening "Fulxem" bilan shartnomasi kelayotgan yozda o'z nihoyasiga etadi, shu sabab u boshqa klublar bilan erkin ravishda aloqaga chiqishi mumkin. Futbolchiga bir qator Premer-liga vakillari ko'z tikmoqda, ammo Dembelening o'zi "Monako"da o'ynashni istaydi. Transfer hujumchi erkin agentga aylanganidan so'ng, ya'ni yozda amalga oshishi kutilmoqda. Joriy mavsumda Dembele Chempionshipda 11ta golga mualliflik qilgan.
— deya xabar beradi uff.uz nashri.