“Bavariya” klubi hamda Polsha terma jamoasi hujumchisi Robert Levandovski faoliyatini “Real”da davom ettirmoqchi, deya xabar beradi The Telegraph nashri. 27 yoshli futbolchi “Manchester Yunayted”, “Manchester Siti” va “Chelsi” takliflarini rad etib, “qirollik klubi”da to'p surish istagini bildirgan. Agarda “Real” transferlarni amalga oshirish bo'yicha FIFA taqiqini bir muddatga cho'zdirsa, polshalik futbolchi yozda Madridga ko'chib o'tishi mumkin. Avvalroq, “madridliklar” rahbariyati iqtidorli hujumchining transferi uchun 100 mln evro ajratishga tayyor ekani xabar qilingandi. Joriy mavsumda Levandovski Germaniya chempionatida 17 o'yinda maydonga tushib, 17 ta gol kiritishga muvaffaq bo'lgan. 
— deya xabar beradi uff.uz nashri.