"Milan" jamoasi yarim himoyachisi Nayjel De Yong "Los-Anjeles Gelaksi" klubi rahbariyatining qiziqishlari doirasiga kirgan.
Xabar qilinishicha, amerikalik klub futbolchini qishdayoq xarid qilmoqchi. "Milan" esa o'z navbatida futbolchi bilan xayrlashishga tayyorligini bildirdi, chunki gollandiyalik o'yinchining amaldagi bitimi kelayotgan yozda o'z nihoyasiga etadi. Shu tariqa, italyan klubi uning sotuvidan pul ishlab olish imkoniga ega bo'ladi.
Aytish joizki, 31 yoshli De Yong "Milan" sharafini 2012 yildan buyon himoya qilib kelmoqda va shu paytga qadar milaniklar safida 96 marta maydonga tushib, 7ta golga mualliflik qilgan.
— deya xabar beradi uff.uz nashri.