Toshkentning “Bunyodkor” jamoasi BAA yig'ini doirasidagi so'nggi – oltinchi nazorat uchrashuvini o'tkazdi. “Qaldirg'ochlar”ning navbatdagi sparring raqibi Qozog'istonning “Jetisu” klubi bo'ldi. Qiziqarli kechgan bahsning 12-daqiqasida Akramjon Komilov uzatgan to'pdan so'ng Eldor Shomurodov hisobni ochishga erishdi. Goldan keyin ham “Bunyodkor”ning hujumlari soni yana ortdi. To'p nazorati ham “qaldirg'ochlar”da bo'ldi. Biroq “sen urmasang senga urishadi” deganlaridek birinchi bo'lim oxirlari va ikkinchi bo'lim boshlarida toldirqo'rg'onliklar "Bunyodkor" darvozasini ikki bor ishg'ol qilishni uddalashdi. Ushbu hisob o'yin oxirigacha o'zgarmay qoldi. Natijada “Bunyodkor” BAA yig'ini doirasidagi so'nggi – oltinchi uchrashuvini mag'lubiyat bilan yakunladi. Shu tariqa “qaldirg'ochlar” 16-30 yanvar kunlari BAAda o'tgan yig'in davomida “Anji” (3:2), “Amkar” (1:1), “Lokomotiv” Moskva (0:3), “Xenan Jiane” (3:1), “Chonbuk Motors” (5:5) jamoalari bilan kuch sinashishdi. Umumiy hisobda 6ta o'yin o'tkazilinib, 2ta g'alaba, 2ta durang va 2ta mag'lubiyat qayd etildi. Nazorat uchrashuvi. Dubay
“The Sevens” stadioni
“Bunyodkor” – “Jetisu” (Qozog'iston) - 1:2
Gollar: Eldor Shomurodov 12 (1:0), 42 (1:1), 56 (1:2)
“Bunyodkor”: 45.Akbar To'raev, 15.Dilshodbek Ahmadaliev, 22.Rustamjon Ashurmatov, 34.Javlon Mirabdullaev, 48.Akramjon Komilov, 7.Aleksandr Alempievich, 9.Minori Sato, 29.Otabek Shukurov, 19.Zabihillo O'rinboev, 17.Dostonbek Hamdamov, 39.Eldor Shomurodov
Zaxiradan maydonga tushganlar: Bahodir Nasimov, Shahzodbek Nurmatov, Akmal Shorahmedov,
“Jetisu”: Andrey Shabanov, Serik Sagindikov, Marko Jalovich, Kadio Dider Boris, Mamadu Vog, Dushan Savich, Filipp Rudak, Baurjan Turisbek, Ilyas Amirseitov, Grigoriy Moisov, Demel Boti
Zaxiradan maydonga tushganlar: Andrey Pasechenko, Demiyat Slambekov, Emenike Esseme, Vadim Borovski, Viktor Krikov, Malik Mane
— deya xabar beradi uff.uz nashri.