"Barselona" jamoasi o'z maydonida Madridning "Atletiko" klubi bilan Ispaniya chempionati 22-turida o'zaro bahs olib boradi. Mazkur uchrashuvni LIVE tarzida kuzatish imkoniga ega bo'lamiz.  0'. Uchrashuv boshlanmoqda.  0'. Kataloniyada harorat 16 daraja iliq.  0'. Har ikki jamoa a'zolari maydonga kirib kelishmoqda.  1'. O'yin boshlandi! "Barselona" futbolchilari to'pni o'yinga kiritib berishdi.  2'. Maydon markazida Augusto Fernandesga nisbatan o'yin qoidasi buzildi. To'pni "matraschilar" o'yinga kiritib berishadi. 3'. Xavfli vaziyat!!! Klaudio Bravo jamoasini muqarrar goldan saqladi. "Atletiko" ancha faol  5'. O'yin ancha asabiy tarzda o'tmoqda. Endilikda Suaresni qo'pollik bilan to'xtatib qolishdi.  6'. "Barselona"ning jarima zarbasi hech qanday samara keltirmadi. Oblak erkin zarba bilan to'pni o'yinga kiritib beradi.  9'. GOOOOLLL!!! Koke hisobni ochdi, 0:1. 9'. O'ng qanotdan uyushtirilgan hujum "Atletiko" uchun samarali yakunlandi. "Barselona" himoyasi ushbu vaziyatda xatoga yo'l qo'ydi.
11'. Maydon egalari darhol javob qaytarish uchush hujum qilishdi. Ammo, Neymarning "reydi" jamoasiga foyda keltirmadi.  12'. Ustunlik kataloniyaliklar tomoniga o'tdi. Hujumlar asosan Neymar egallab turgan chap qanotdan amaga oshmoqda. 18'. Munir El Xaddadi chigal yozdi mashqlarini boshlab yubordi. Luis Enrike tarkibda o'zgarish qilmoqchi shekilli! 20'. "Atletiko" o'yin tizginini o'z tomoniga og'dirib olmoqda. Maydon egalari hamon sarosimada. 21'. Dani Alves maydon markazi yaqinida Kokeni turtib yiqitdi. Erkin zarba bilan to'pni mehmonlar o'yinga kiritib berishadi. 22'. Saulning faolliga evaziga "Atletiko" burchak zarbasini ishlab oldi. Standart vaziyat samarasiz yakun topdi.  24'. Avval Messi, endi Suares yiqitildi. Mehmonlar biroz qo'pol o'ynashni boshladi.  25'. Gabi Rakitichni atayin yiqitgani uchun sariq kartochka bilan ogohlantirildi. Jarima zarbasi! 26'. To'p oldida Messi va Neymar. Kim zarba yo'llaydi? 26'. Zarba!!! Messi mo'ljalda biroz adashdi.  28'. "Atletiko" yaxshi himoyalanmoqda. Suaresning hozircha "tishi o'tmayapti". 29'. Xavfli vaziyat!!! Suaresning zarbasini Oblak oyoqlari bilan qaytardi. 30'. GOOOLLL!!! Messi hisobni tenglashtirdi! 30'. Neymarning sa'y-harakatlari evaziga "Barselona" muvozanatni tikladi.  33'. Neymar jarima maydonchasi yaqinida Xuanfranni yiqitdi. Jarima zarbasini "matraschilar" amalga oshiradi. 34'. Hisob tenglashgandan so'ng o'yin surati biroz tushdi. Ana endi jamoalar shoshilmasdan harakat qilishmoqda.  37'. Grizmann qulay vaziyatni yo'qqa chiqardi.  39'. GOOOLLLL!!! Luis Suares hisobni oshirdi, 2:1. 39'. Urugvaylik futbolchining zarbasi Oblakning oyoqlari orasidan o'tib ketdi.  41'. "Atletiko" a'zosi Xuanfran Neymarga nisbata qo'pollik ishlatgani uchun sariq kartochka bilan ogohlantirildi.  43'. Neymar!!! Uning chap oyoq bilan bergan zarbasini "Atletiko" himoyachilaridan biri qaytardi. 44'. Ana xolos! Filipe Luis qizil kartochka oldi. Himoyachi Messining oyog'iga zarba yo'llagani uchun maydondan chetlatildi.  45'. Bosh hakam birinchi bo'limga hech qancha vaqt qo'shmadi. Biroz dam olamiz. Tanaffus! 46'. Ikkinchi bo'lim boshlandi. bu safar mehmonlar to'pni o'yinga kiritishdi. 48'. Bir kishi kam bo'lib qolgan "Atletiko"ga yanada qiyin bo'lishi tabiiy.  49'. Kataloniyaliklar burchak zarbasini ishlab olishdi. Standart vaziyat samarasiz yakunlandi.  50'. Ikkinchi burchak zarbasi ham kataloniyaliklarga foyda keltirmadi. 52'. "Atletiko"ning kam sonli hujumlaridan biriga Maskerano to'sqinlik qildi.  54'. Xavfli vaziyat!!! Suaresga atalgan to'pni Godin maydon tashqarisiga chiqarib yubordi. Agarda to'p urugvaylik futbolchiga etib borganida, vaziyat o'zgacha tus olardi. Hozir esa burchak zarbasi.  55'. Navbatdagi burchak zarbasi maydon egalariga foyda keltirmadi.  56'. Ferreyra Karraskoning "reydi" xavfli ko'rinish oldi. Pike ushbu vaziyatda to'pni maydon tashqarisiga chiqarib yubordi. Burchak to'pi. 57'. Grizmann!!! Frantsiyalik hujumchining zarbasini Bravo bir amallab qaytardi. 58. "Atletiko" futbolchilari yana bir burchak zarbasini amalga oshirishadi.  65'. Mana sizga tomosha! Diego Godin ikkinchi sariq kartochkani olib, maydonni tark etdi.  68'. Messi!!! Uning jarima zarbasidan yo'llagan to'pini Oblak qaytardi. Burchak to'pi. 69'. Biroz avval "Barselona" tarkibida o'zgarish yuz berdi: Ivan Rakitich o'rniga Arda Turon maydonga tushdi.  70'. "Atletiko" tarkibida ham o'zgarish: Grizmann maydonni tark etdi, uning o'rniga markaziy himoyachi Stefan Savich tushdi.  73'. Augusto Fernandes oyog'ini jarohatlaganga o'xshaydi. Katta ehtimol bilan u o'yinni tugatdi.  76'. Shunday ham bo'ldi. Augustoni maxsus mashinada maydondan olib chiqishdi. Uning o'rniga Tomas tushdi. 78'. Xavfli vaziyat!!! Arda Turon sal bo'lmasa "Barselona" libosida ilk golini kiritardi. Unga biroz omad etishmadi.  80'. Bu safar Dani Alves omadini sinab ko'rdi. Uning zarbasi raqib darvoza ustuni yonginasidan o'tib ketdi. 81'. Messi jamoasiga burchak zarbasini ishlab berdi. 82'. "Atletiko" imkon qadar o'z darvozasidan gol o'tkazib yubormaslikka harakat qilmoqda. 83'. "Barselona"da navbatdagi o'zgarish: Dani Alves o'rniga maydonga Serji Roberto tushdi.   85'. Luis Suares o'yindan tashqari holatda qolib ketdi.  88'. Suaresning chamasi 25 metrlardan yo'llagan zarbasi noaniq chiqdi.  90'. Asosiy vaqtga 3 daqiqa qo'shib berildi.  90+3'. Uchrashuv yakunlandi. "Barselona" 2:1 hisobida "Atletiko"ni mag'lubiyatga uchratdi. 
— deya xabar beradi uff.uz nashri.