Dubay shahri sudi «Barselona» hujumchisi Lionel Messining pasporti bilan videoga tushgan politsiyachini bir oyga qamoqqa olishga hukm qildi.
Aeroportda faoliyat yuritgan politsiyachi Lionel Messining pasportini qo'lida ushlagancha videoga tushgan va uni internetga joylab, tagiga "Uni yoqib yuborsammikan yoki qaytarib joyiga qo'yaymi" deya yozuv qoldirgan.
Sud politsiyachining bu ishini futbolchining shaxsiy hayotiga aralashish deb topdi va uni jazoga tortdi. Garchi politsiyachi bu video uchun Messidan ruxsat olganini ta'kidlasada, jazodan qutulib qolmadi.
— deya xabar beradi uff.uz nashri.