Kuni kecha bo'lib o'tgan «Arsenal» va «Chelsi» klublari o'rtasidagi APLning navbatdagi uchrashuvi ham odatdagidek juda qiziqarli tus oldi. Bu galgi to'qnashuvda «ko'klar»ning qo'li baland keldi. Vaholanki, joriy mavsumda «Chelsi»ning ishlari yurishmayotgan, Arsen Venger shogirdlari esa aksincha, juda kuchli ko'rinishayotgandi. Mana shunday kutilmagan natijalar uchun ham bu ikki jamoa o'rtasidagi uchrashuv doim muxlislar e'tiborini o'ziga tortib kelgan. Quyida biz ashaddiy raqiblarning tarixdagi eng qiziqarli o'yinlarini yodga oldik. O'ylaymizki, moziyga nazar sizga ham manzur bo'ladi.
4.09.1996 Premer-liga
«Arsenal»-«Chelsi»-3:3
Mazkur uchrashuv «kanonirlar»ning Arsen Venger boshqaruvidagi «Chelsi»ga qarshi birinchi uchrashuvi hisoblanadi. Aytish joiz, to'qnashuv juda ham qiziqarli bo'ldi: o'yinning oltinchi daqiqasidayoq Dennis Uayz Frank Lebef uchun penalti ishlashga muvaffaq bo'ldi. 30-daqiqada esa Janluka Vialli Jon Lukich qo'riqlayotgan darvozaning yaqin burchagini nishonga olishda adashmadi-0:2. Shundan keyin biroz o'ziga kelib olgan «to'pchilar» hisobni o'z foydalariga o'zgartirishdi. Merson, Kioun va Rayt tomanidan kiritilgan gollardan so'ng mezbonlar 3:2 hisobida oldinda borishayotgan edi. Ammo o'yinning 90-daqiqasida Uayz tomonidan kiritilgan gol «ko'klar»ni mag'lubiyatdan saqlab qoldi. O'sha mavsumda «kanonirlar» 3-o'rinni olishdi «Chelsi» esa, chempionatni 6-o'rinda yakunladi.
5.04.1997 Premer-liga
«Chelsi»-«Arsenal»-0:3
Mavsumning ikkinchi «jang»ini ro'yxatimizga kiritmasak bo'lmas edi.
Birinchidan, bu uchrashuv Vengerning «Stemford Brij»dagi ilk uchrashuvi, ikkinchidan, bu paytlar «Arsenal»ning shakllanayotgan paytlari bo'lgan. Mazkur bahsda «kanonirlar» «ko'klar»ni yirik - 0:3 hisobida mag'lub etishdi va bu natija «Arsenal»ning «Chelsi» maydonidagi eng yirik g'alabasi sifatida tarixdan joy oldi. Rayt, Platt va Bergkampning gollariga «Chelsi» vakillari javob qaytara olishmadi. Xullas, janob Venger London klublari qarama-qarshiligini juda yaxshi boshlab oldi.
11.11.1998 Angliya liga kubogi, 1-8 final
«Arsenal»-«Chelsi»-0:5
Angliya liga kubogi doirasida o'z maydonida «Chelsi»ni qabul qilgan «Arsenal» darvozasidan javobsiz beshta gol o'tkazib yubordi. Adolat yuzasidan aytish mumkinki, «to'pchilar» ikkinchi tarkib bilan o'ynashgandi. «Ko'klar» esa o'zining eng kuchli tarkibini tushirgandi. Lefeb penaltidan hisobni ochgan bo'lsa, Vialli va Poyet dublni rasmiylashtirishdi. Bu g'alaba «Chelsi»ning liga kubogida muvaffaqqiyatli qatnashishiga turtki bo'lmadi: londonliklar keyingi bosqichdayoq «Uimbidon» qarshiligini sindira olishmay, musobaqani tark etishdi.
6.04.2004 Chempionlar Ligasi, chorak final
«Arsenal»-«Chelsi»-1:2
O'sha mavsumda «Arsenal» ichki chempionatda biror marotaba mag'lub bo'lmagani bilan maqtanardi, chunki shu paytgacha APLning boshqa klubi bunday natijaga erisha olmagan. Chempionlar Ligasidagi bu qarama-qarshilikning birinchisi «Stemford Bridj»da durang bilan yakunlandi - 1:1. Javob bahsida esa «kanonirlar»ning 17 o'yinlik mag'lubiyatsiz seriyalari barham topdi. Birinchi bo'limning oxirlarida Reyes hisobni ochdi va jamoalar kichik farq bilan taymni tugatishdi. Ikkinchi bo'lim startida Lempard tezkor gol bilan hisobni tenglashtirgan bo'lsa, o'yin oxirida Ueyn Brij «Chelsi»ni yarim finalga olib chiqqan gol muallifiga aylandi. «Arsenal»ni musobaqadan chiqarib yuborgan Raneri shogirtlariga esa Chempionlar Ligasi favoridi sifatida qaralgandi. Ammo kutilmaganda «ko'klar» «Monako»ga imkoniyatni boy berishdi va musobaqani tark etishdi.
Davomi InterFUTBOL gazetasi blogida.
— deya xabar beradi uff.uz nashri.