“Barselona” jamoasi himoyachisi Martin Montoyya “Betis” klubi sharafini himoya qiladigan bo'ldi, deya xabar bermoqda klub rasmiy sayti. Mavsumning birinchi yarmini “Inter”da o'tkazgan 24 yoshli himoyachi mavsumning ikkinchi qismini “Betis”da, ijara asosida o'tkazadi.   “Barselona” va “Inter” o'rtasidagi kelishuv 2016 yilning yoziga qadar mo'ljallangan edi. Biroq, tomonlar kelishgan holda shartnomani bekor qilishdi. Himoyachi milanliklar safida atigi to'rtta uchrashuv o'tkazishga ulgurdi.
— deya xabar beradi uff.uz nashri.