“Buxoro” jamoasi yig'inlarning uchinchi bosqichiga yakun yasadi. 22-31 yanvar kunlari mobaynida tashkillashtirilgan yig'inlar o'z nihoyasiga etdi. Jamoa a'zolariga qisqa ta'til e'lon qilindi.  “Buxoro” uchinchi bosqich doirasida uch marta nazorat uchrashuvida ishtirok etdi. Dastlab “Mash'al”ga 0:1 hisobida imkoniyat boy berildi. Ikkinchi uchrashuv Bekobodning “Metallurg” jamoasiga qarshi kechdi va unda buxoroliklar 2:0 hisobida g'alaba qozonishdi.  So'nggi nazorat uchrashuvida “Paxtakor”ga 0:1 hisobida mag'lubiyatga uchraldi. Mavsumoldi tayyorgarlikning to'rtinchi bosqichi yana poytaxtda davom ettiriladi. 4 fevral jamoa mashg'ulotlarni davom ettiradi. Ushbu bosqich 23 fevralga qadar davom ettirilishi rejalashtirilgan.
— deya xabar beradi uff.uz nashri.