"Barselona" jamoasi "Manchester Yunayted" klubi yarim himoyachisi Xuan Mataga qiziqish bildirayotgani haqida Daily Mail nashri xabar bermoqda. Ma'lumotlarga qaraganda, kataloniyaliklar ustozi Luis Enrike uni anchadan buyon kuzatib bormoqda va xizmatlariga shaxsan qiziqmoqda. Klub vakillari ispaniyalik futbolchi bilan aloqaga chiqishgani ham ma'lum bo'ldi. 45 yoshli mutaxassisning rejasiga ko'ra, Mata maydon markazida Inestaga, hujumda esa Messi, Neymar va Suares triosiga yordam berish uchun eng loyiq nomzod sifatida ko'rilmoqda. Tajribali yarim himoyachi joriy mavsum Angliya chempionatida 24 o'yinda maydonga tushgan hamda 3 ta gol kiritib, xuddi shunga golli uzatma bajargan. Uning "qizil iblislar" bilan shartnomasi 2018 yilga qadar mo'ljallangan.
— deya xabar beradi uff.uz nashri.