"Barselona" hujumchisi Neymarning otasi "Santos"dan o'tish bilan bog'liq korruptsiya mojarosi yuzasidan ko'rsatma berish vaqtida o'g'liga kuchli klubdan moliyaviy jihatdan o'ta jiddiy taklif tushganini tasdiqladi.
Shu bilan birga 23 yoshli futbolchining otasi Neymar "Barselona"dan ketish niyatida emasligini ham aytgan. Hujumchining kataloniyaliklar bilan shartnomasi 2018 yilga qadar davom etishi ko'zda tutilgan.
Neymar joriy mavsum Ispaniya chempionatida 18 uchrashuvda maydonga tushgan va 16 ta gol urib, 9 ta golli uzatmani amalga oshirgan. Shuningdek uning hisobida Chempionlar ligasining 5 o'yinida urilgan 2 gol va 3 ta golli uzatma ham bor.

— deya xabar beradi uff.uz nashri.