“Dinamo” – “Bunyodkor” uchrashuvidan keyingi matbuot anjumanida “qaldirg'ochlar” ustozi ishtirok etdi.
- Tezkor gol o'tkazib yubordik. Shunga qaramasdan, jamoamiz o'yinni o'z qo'liga olishiga va natijani bizning foydamizga o'zgarashiga ishongandim. O'yinimiz yomon chiqqani yo'q. Biroq ko'p vaziyatlarda shoshib qoldik. Natijada vaziyatlarni samarali yakunlay olmadik. Oldimizda mamlakat kubogining hal qiluvchi final uchrashuvi turibdi. O'ylaymanki, final oldidan imkoniyatlar ellikka ellik. Kimning omadi chopsa o'sha jamoa kubokni qo'lga kiritadi. “Nasaf” shakllangan jamoa. Final oldidan bizda ba'zi muammolar bor. Javlon Ibrohimov jarohatidan forig' bo'lganicha yo'q. Qolaversa, etakchi futbolchimiz Xayrulla Karimov diskvalifikatsiya tufayli finalda maydonga tusha olmaydi. Shunga qaramasdan, yaxshi o'yin ko'rsatib, g'alaba qozonishga harakat qilamiz, - deydi Baxtiyor Melievich.
— deya xabar beradi uff.uz nashri.