Futzal bo'yicha O'zbekiston milliy terma jamoasi Toshkentda o'tkaziladigan Osiyo chempionatiga tayyorgarlikni davom ettirmoqda.
Musobaqa oldidan O'zbekiston terma jamoasi bosh murabbiyi Xose Mariya Mendez ishtirokida matbuot anjumani o'tkaziladi. Tadbirda shuningdek Terma jamoa menejeri Rustam Tolibjonov, Terma jamoa murabbiyi Bahodir Ahmedov hamda terma jamoa sardori Artur Yunusovlar ham ishtirok etishadi. Matbuot anjumani 6 fevral kuni soat 11:00 da O'FF majlislar zalida bo'lib o'tadi. Unda terma jamoa bosh murabbiyi OAVni qiziqtirgan savollarga javob beradi, bundan tashqari aynan shu kuni O'zbekiston terma jamoasi futzalchilari Osiyo chempionatida qanday liboslarda harakat qilishini ham bilib olishingiz mumkin. Ya'ni, matbuot anjumani bilan birga yangi libos taqdimoti ham o'tkaziladi.
Barcha OAV vakillarini matbuot anjumaniga taklif etamiz.
— deya xabar beradi uff.uz nashri.