"Manchester Yunayted" jamoasi "Benfika" yarim himoyachisi Renatu Sanchesga qiziqish bildirmoqda. Bu haqida mashhur agent Jorje Mendeshning so'zlariga tayanib, O Jogo nashri xabar berdi. Ma'lumotlarga qaraganda, mankunianliklar 18 yoshli futbolchi uchun 60 mln evro taklif qilishgan. Uning tovon puli 40 mln evroni tashkil qiladi. Qolgan 20 mln evro bonus sifatida taklif qilingan. Biroq, "ajdarlar" yarim himoyachi uchun barcha mablag'ni bittada olish niyati borligini aytib o'tishgan. Joriy mavsumda Sanches Portugaliya chempionatida 13 o'yinda ishtirok etib, ikkita gol kiritishga muvaffaq bo'lgan.
— deya xabar beradi uff.uz nashri.