«Real» hujumchisi Krishtianu Ronaldu bugun o'zining 31 yoshini qarshi olmoqda. Shu boiz biz «Oltin to'p»ning 3 karra sohibi haqida futbolchi va murabbiylar tomonidan aytilgan fikrlar jamlanmasini sizga taqdim etishni joiz deb topdik.
Raul
- Ronaldu dunyoning eng zo'r futbolchisi. Bunga shubxa qilasizmi? Unda futbolni tushunmas ekansiz.
Ser Aleks Fergyuson.
- Ronaldu aql bovar qilmas o'yinchi. Bizda buyuk o'yinchilar ko'p bo'lgan, Krishtianu esa ularning barchasi bilan tenglasha oladi. U tug'ma iste'dod sohibi bo'lsa-da, barcha narsaga faqat mashg'ulot orqali erishdi. Qaysidir jihati bilan u Erik Kantonaga ham o'xshab ketadi. Ronaldu Madridda ham yaxshi o'yinchiligi isbotladi.
Arsen Venger
- Krishtianu ko'p gol urayapti, «ikkinchi qavat»da yaxshi o'ynayapti, uning ijrosidagi har bir jarima zarbasi, qaysi masofadan tepilmasin, xavfli ko'rinish oladi. Har qanday nuqtadan tepa olish – bu g'oyat bebaho xususiyat. Xullas, Krishtianu – «gol mashinasi». Oyoqlari shunchalik tezkorki, brodvey raqqosi Fred Asterni eslatadi. Ushbu xususiyat zamonaviy hujumchi uchun juda muhimdir. Xudbinligiga kelsa, u shunga munosib. Aynan «Barchasi men uchun» qabilida ish tutishi uni yanada daxshatli qiladi.
Xames Rodriges
- Krishtianu maydonda ham, maydondan tashqarida ham ajoyib inson. Unga faqat yuqori ball berish mumkin. Shuningdek u o'ta kamtar insondir. Ronaldu hamma futbolchilar bilan juda yaxshi munosabatda. U nafaqat o'yin vaqtida, balki mashg'ulotlardagi ishtiyoqi bilan ham hayratga soladi. Uning ishiga qarar ekansan, nima uchun eng yaxshi ekanini tushunasan
Davomi Furqat Yusupov blogida.
— deya xabar beradi uff.uz nashri.