"Bavariya" jamoasi yozgi transfer mavsumida yarim himoyachi Arturo Vidalni boshqa klubga sotib yuborishi mumkin, deya xabar bermoqda El Mercurio gazetasi. Ma'lumotlarga qaraganda, myunxenliklar futbolchining o'z ishiga bo'lgan munosabatidan norozi. Bir necha kun avval, chililik Qatardagi yig'in davomida mast holatda mashg'ulotlarga kelgani xabar qilingandi. Biroq, keyinchalik bu xabar rad etilgan. Joriy mavsumda 28 yoshli yarim himoyachi Bundesligada 19 o'yinda maydonga tushib, ikkita gol va to'rtta golli uzatmani o'z hisobiga yozib qo'ygan.
— deya xabar beradi uff.uz nashri.