Madridning «Atletiko» klubi prezidenti Enrike Sereso hujumchi Jekson Martines "Guanchjou Evergrand"ga o'tib ketgani haqida fikrlarini bildirib o'tdi.
"Guanchjou Evergrand" - yaxshi jamoa va Martinesga bu o'zgarishlar foydali bo'ladi.
Bizning jamoamizda esa bechora Martines o'ynab keta olmadi. U moslashishda qiyinchilikka uchradi. Shunga qaramay u yaxshi futbolchi, shunchaki bu erda omadi kelmadi. Shu sababli hammaga ma'qul keladigan qaror qabul qildik", - deydi Sereso.
Eslatib o'tamiz, "Atletiko" hujumchini 42 million evroga sotgan. Martinesning o'zi esa Xitoyda yiliga 12,5 million evro maosh oladi.
— deya xabar beradi uff.uz nashri.