"Standard"da ijara asosida to'p surayotgan "Manchester Yunated" darvozaboni Viktor Valdes mankunianliklar bosh murabbiyi Lui van Galni tanqid qilishni istamadi.
"Menda Lui van Gal bilan hech qanday muammo bo'lmagan. U endi 20 yoshga to'lgan vaqtimda meni katta futbolga olib kirgan edi. O'sha vaqtda u menga: "Seni birinchi jamoa tarkibida ko'rishni istayman", degan yagona murabbiy bo'lgan.
Tizzamdan jiddiy jarohat olganimdan so'ng u menga qo'ng'iroq qilgan birinchi inson bo'ldi va "Manchester Yunayted"ga taklif qildi. Buning uchun undan juda minnatdorman va toabad unutmayman. Aynan u tufayli og'ir jarohatdan so'ng ilk marta maydong atushdim.
"MYu"dan ketishimning sababi esa juda oddiy - men Manchesterda qolishim va o'ynamaslim yoki "Standard"ga kelib, maydonga tushishim mumkin edi. Bu erda yana muxlislar qo'shig'ini eshitish, har kuni mashg'ulot o'tash va o'zimni futbolchi sifatida his qilish imkoniga ega bo'ldim. Men shunchaki ikkinchi yo'lni tanladim", - deydi Valdes.
— deya xabar beradi uff.uz nashri.