Mavsumga tayyorgarlikning navbatdagi bosqichini Toshkentda o'tkazayotgan “Navbahor” jamoasi safiga bugun darvozabon Mixail Naumov kelib qo'shildi.
2015 yilgi mavsumni Jizzaxning “So'g'diyona” klubi safida o'tkazgan ushbu posbon jamoa mashg'ulotlariga qo'shilgunga qadar “Olmaliq” yig'inida ishtirok etayotgandi. Darvoza chizig'idagi raqobatni kuchaytirish maqsadida murabbiylar shtabi Naumovni ham ko'rikdan o'tkazishadi.
Bundan tashqari, jamoaning Toshkentdagi dastlabki yig'inida qatnashgan Nodir Mavlonov va Ravshan Aslanovlar yana mashg'ulotlarga qaytishdi. Mavlonov “Obod” tarkibiga o'tib, oliy liganing yangi vakili safida nazorat o'yinida qatnashishga ham ulgurgandi. Ertaga futbolchilar Toshkentning “Obod” jamoasiga qarshi navbatdagi nazorat o'yinida maydonga tushishadi. Mazkur o'yin “Obod” o'yingohida soat 12.00da boshlanadi.
— deya xabar beradi uff.uz nashri.