"Bayer" hujumchisi Xaver Ernandes "MYu"dan ketishiga nima sabab bo'lganini aytib o'tdi.

"Balki Ole Gunnar Sulsher "MYu"da zaxiradan maydonga tushganiga rozi bo'lgandir. Men ham shunday qismatga rozi bo'lishimni ko'pchilik kutgan edi. Ammo men zaxira o'rindig'ida o'tirishni istamadim.

Lui van Gal esa hammasini ochiq aytdi. U dastlabki 2 haftada menga ishonch bildirishini aytdi. Shunda o'ynay olishimga ishondim. Ammo mavsum boshlanishi oldidan Uazza (Ueyn Runi) birinchi raqamli hujumchi bo'lishini aytdi. Men esa ikkinchi raqamli bo'lib qolishim kerak edi.

Murabbiyning qarorini hurmat qilaman. Shu sababli yaxshisi boshqa klubga ketganim ma'qulligi haqida bir qarorga keldik", - deydi Chicharito.

Eslatib o'tamiz, meksikalik hujumchi Germaniya chempionatidagi 16 o'yinda 13 ta gol urishga muvaffaq bo'ldi.
— deya xabar beradi uff.uz nashri.