Karim Benzema Chempionlar ligasida 74 ta uchrashuvda maydonga tushib o'z hisobiga 43 ta gol yozdirib qo'ygan.
“Lion”
Karim “Lion” klubi tarkibida 2004-2009 yillar davomida ChLda 19 uchrashuv o'tkazib raqiblar posbonlarini 12 bora ranjitgan. Uning eng sermahsul mavsumi 2008/09 yili bo'ldi. O'shanda Benzema 5 ta gol urgan edi. Hujumchining “Lion”dagi “sevimli jamoasi” “Styaua” bo'lgan. Benzema rumin klubiga jami 3 ta gol kiritgan.
“Real”
Benzema Madridliklar sharafini 2009-yildan buyon himoya qilib kelmoqda. Bu davr ichida u mazkur turnirda 55 ta o'yinda 31 bora o'z nomini tabloga yozidrib qo'ydi. Klub bilan bir bora Chempionlar ligasi bosh sovrinini qo'lga kiritgan bo'lsa, 4 marta yarim finalga qadar etib keldi.
Karimning sevimli raqiblari
“Styaua”, “Ayaks”, “Lion”, “Galatasaroy”, “Shalke 04”, “Liverpul” – 3 gol
“Glazgo Reynjers”, “Fiorentina”, “Bavariya”, “Manchester Siti”, “Dinamo” Zagreb, “APOEL” – 2 gol
“Rusenburg”, “Dinamo” Kiev , “Shtutgart”, “Manchester Yunayted”, “Milan”, “TsSKA”, “Borussiya” Dortmund, “Bazel”, “Ludogorets”, “Shaxtyor” – 1 gol
Benzema hozirga qadar Chempionlar ligasida 23 ta jamoa darvozasini ishg'ol qilgan. Karimdan naq 6 ta klub 3 martadan gol o'tkazib yuborgan. Eng qizig'i hujumchining sevimli raqiblari qatorida sobiq jamoasi “Lion” ham bor.
Eng ko'p jabr chekkan mamlakatlar
Germaniya – 7 gol
Angliya, Frantsiya - 6 gol
Ruminiya, Italiya, Turkiya, Gollandiya – 3 gol
Ukraina, Kipr – 2 gol
Norvegiya, Xorvatiya, Shveytsariya, Bolgariya, Rossiya – 1 gol
Benzema hozirgacha 14 ta mamlakatning jamoalari darvozasiga yo'l topa olgan. Frantsiyalik hujumchidan eng ko'p jabrni nemis klublari chekkan. Karim o'z vatani klublari darvozalariga 6 bora yo'l topa olganini ham alohida e'tirof etib o'tish joiz.
Benzema qaysi taymda yaxshi o'ynaydi?
Frantsiyalik hujumchi birinchi bo'limdan ko'ra ikkinchisida sermahsulroq o'yin namoyish etadi. Benzema 43 ta golining 17 tasini birinchi, qolgan 26 tasini esa ikkinchi bo'limlarda urgan.
Uchrashuvlar
Yuqorida Benzema ChLda 74 ta o'yinda maydonga tushgani haqida ta'kidlab o'tgan edik. Karim ana shu o'yinlarning 60 tasini asosiy tarkibda boshlagan va 21 tasida to'liq o'ynagan. 14 marotaba esa zaxiradan maydonga qo'shilgan, yana 18 ta uchrashuvda esa qaydnomaga kiritilib, zaxirada qolib ketgan.
Davomi Furqat Yusupov blogida.
— deya xabar beradi uff.uz nashri.