«Barselona» klubi rasmiy saytida jamoa hujumchisi Neymarning otasini qo'llashini bildiruvchi bayonot chop etildi. Eslatib o'tamiz, Neymarning otasi jurnalistlar tomonidan berilgan savolga javob berishni istamagach, o'rtada janjal kelib chiqqan va bir nechta telekameralar sindirilgan edi.
"Neymarning otasi va jurnalist o'rtasida kelib chiqqan mojaroni o'rganib chiqqach, "Barselona" klubi murojaat bilan chiqish qiladi va klub vakillarining bo'sh vaqtlarida savollarga javob bermaslik istagiga hurmat bilan qarashga chaqiradi. Axborot tarqatishga bo'lgan huquq insonlarning shaxsiy hayotiga dahl qilmaslik huquqi va minimal ahloq qoidalarini cheklab qo'ymasligi kerak. Klub o'z huquqlarini himoya qilish borasida chora ko'radi", - deyiladi bayonotda.
— deya xabar beradi uff.uz nashri.