“Lokomotiv”ning Dubaydagi navbatdagi raqibi ham Xitoy Super ligasi vakili bo'ldi. 10 fevral kuni jamoamiz o'z chempionatini 11-o'rinda yakunlagan “Xanjou Grintaun” klubiga qarshi saf tortadi. 12 hamda 14 fevral kunlari mos ravishda “Tyantszin Teda”, “Chanchun Yatay” klublariga qarshi o'yinlar o'tkazilishi haqida xabar qilingandi. “Xanjou Grintaun” tarkibida etti nafar legioner to'p suradigan Xitoy klubidir. Jamoaning osiyolik futbolchilari muxlislarimizga ko'proq tanish. Jumladan, avstraliyalik Metyu Spiranovich, Janubiy Koreyadan tashrif buyurgan Beom-Seok Ox, livanlik Roda Antar kabi yigitlar haqida o'zbekistonlik futbol muxlislarining tasavvurlari bor. Bular safiga taypeylik Po-Liang Chen, tunislik Bassem Bulaabi, serbiyalik Milosh Bosanchich, ivuarlik Devi Kloud Angan, braziliyalik Anselmo Alvesh Erkulano kabi legionerlarni ham qo'shish mumkin. Taypeylik futbolchini inobatga olmasa, horijliklarning barchasi o'z vaqtida Evropa qit'asida to'p surgan. Bugun “Lokomotiv” futbolchilari o'zaro ikki tarkibga bo'lingan holda kurash olib borishadi. 31 yanvar kuni xuddi shunday bellashuv Toshkentda tashkil etilgandi. Dubaydagi ikkinchi yig'in yakunida “Lokomotiv” umumiy hisobda Xitoy klublarining to'rttasi bilan bellashib ko'rgan bo'ladi. Quyida 2016 yil hisobidan o'tkazilgan barcha o'rtoqlik bellashuvlari haqida ma'lumot olishingiz mumkin. 2016 yildagi o'rtoqlik o'yinlari
15 yanvar, 2016 Al-Ahli (Saudiya Arabistoni) – Lokomotiv 0:0
19 yanvar, 2016 Xenan Jiane (Xitoy) – Lokomotiv 0:0
22 yanvar, 2016 Slovakiya U-21 – Lokomotiv 0:2
5 fevral, 2016 Al-Urooba – Lokomotiv 1:5
— deya xabar beradi uff.uz nashri.