Bilasiz, "Chelsi" jamoasi himoyachisi Kurt Zuma "Manchester Yunayted"ga qarshi (1:1) Angliya chempionati 25-turida og'ir jarohat oldi. O'yindan so'ng "nafaqaxo'rlar" bosh murabbiyi Gus Xiddink 21 yoshli futbolchining jarohati og'ir emasligiga umid qilmoqda. "Zuma tizza paylarini shikastladi. Umid qilamanki, uning jarohati kutilganidek jiddiy bo'lib chiqmaydi. Aniq bir narsa aytish qiyin. Barchasi tibbiy ko'rikdan so'ng ma'lum bo'ladi", - deydi gollandiyalik mutaxassis. Eslatib o'tamiz, uchrashuvning 55-daqiqasida frantsiyalik himoyachi to'pga baland sakrab, noqulay ahvolda maydonga yiqildi. Natijada uning oyog'i notabiiy holatda qayrilib ketdi. U katta ehtimol bilan joriy mavsumda maydoga qaytmaydi.
— deya xabar beradi uff.uz nashri.