Tavsiya qilamiz:
Tegirmondan butun chiqqan Paulo Dibala haqida (InterFUTBOL blogi)
Ma'lumki, har qanday ishda muvaffaqiyatga erishish uchun muayyan qiyinchiliklarni engib o'tish talab etiladi. Argentinalik yosh iqtidor sohibi Paulo Dibala ham o'z yurtini tark etib, Italiyada musofirlik mashaqqatlarini tatib ko'rdi. Lekin barchasiga dosh berib, o'z mahoratini oshirish yo'lida tinmay izlandi. Natijada, «Yuventus»dek grandning eng yaxshi to'purari darajasigacha ko'tarildi.
O'zini tiklay olgan bolakay
2011 yilning qishida «Palermo» sport direktorii Luka Kattani olis Argentinaning Kordoba shahrida mahalliy «Belgrano» klubi vakillari bilan uchrashgandi. O'shanda funktsionerlar Patagon qo'chqorining go'shtidan tayyorlangan qovurdoqni tanovvul qilgan holda hujumchi Vaskesning transferi xususida muzokara olib borishgandi. Ittifoqo, Kordobaning boshqa bir jamoasi - «Instituto» prezidenti Xuan Karlos Barrera ham suhbatdoshlar davrasida edi.
- Demak, siz Vaskesni xarid qilishga qaror qildingiz. Tabriklayman, ajoyib transfer. Lekin bizda Vaskesdan ham yaxshiroq hujumchi bor! - dedi Barrera tushlik yakunida.
O'shanda «Instituto» prezidenti Paulo Dibalani nazarda tutgan, o'zining sermahsul o'yinlari bilan 18 yoshli hujumchi «javohir» taxallusiga ega bo'lgandi. Kattalar o'rtasidagi ilk mavsumni u 38ta uchrashuvda 17ta gol urish bilan yakunlagan, shu tariqa, afsonaviy Kempes (1978 yilgi jahon chempioni)ning klub rekordini yangilagan holda jamoaning eng yosh to'purari maqomini qo'lga kiritgandi. «Palermo» prezidenti Mauritsio Zamparini Dibalaning bitta uchrashuvini kuzatiboq, qat'iy qarorga keldi: «Bu yigitni imkon qadar tezroq sotib olish kerak. Vaqti kelib, u Kavani va Pastore kabi hujumchilardan o'zib ketadi».
Janubiy amerikalik legionerni sotib yuborgan Zamparini mo'maygina daromadga ega bo'lgandi. Shu bois, Dibalani xarid qilishda tirriqlik qilib o'tirmadi va «Inter», «Napoli»dek grandlar raqobatini engib o'tdi. Xullas, Paulo 12 mln. evro evaziga «Palermo» safidan joy oldi. Jamoa shu paytgacha bunchalik yirik transferni amalga oshirgan emasdi. Qolaversa, Evropa grandlarining e'tibori o'shanda «River Pleyt» yarim himoyachisi Okamposga qaratilgan, Dibalaga bo'lgan qiziqish kuchli emasdi.
«Palermo»ning dastlabki o'rtoqlik uchrashuvida argentinalik debyutant gol urishga muvaffaq bo'ldi. Lekin rasmiy uchrashuvlardagi gollari biroz kuttirib qo'ydi - noyabr oyidagi «Sampdoriya»ga qarshi bahsda hujumchi «dubl»ga erishdi. Shundan keyin muxlislar «Palermo»ning parvoziga umid qilishgandi. Biroq jamoa tobora quyiga sho'ng'ib, «A» seriyasini tark etishi oydinlashib qoldi. Hatto, Dibala ham yordam berolmadi.
«Palermo»ga kelgan kunim xayolimdan bir fikr o'tdi: «Voy-bo', namuncha issiq bu o'lka». Argentinada hech qachon bunday yuqori harorat kuzatilmaydi. Bilaman, Italiyada mendan ko'p narsani kutishardi. Ammo u erdagi futbolga moslashib olishim juda qiyin kechdi. Bu erda juda tezkor, jismoniy kuchga asoslangan futbol o'ynaladi. Hakamlar ham Argentinadagidek emas», - degandi Paulo keyinchalik Sportsweek jurnaliga bergan intervyusida.
Nima bo'lganda ham Pauloning Italiya futboliga moslashuvi cho'zilib ketdi. To'g'ri, «Palermo» «V» seriya musobaqasini ta'qibchisidan 14 ochkoga o'zib ketgan holda yakunlab, elitaga qaytdi. Biroq yuksak natijani Abel Ernandes, Lafferti va Bellotti kabi futbolchilar ta'minlashdi. Dibalaning gollarsiz «quruq» seriyasi naq 405 kunga cho'zilib, «javohir» laqabi o'rnini «bolakay» egalladi. Darvoqe, o'sha davrda Vaskes ham ishonchni oqlay olmadi va «Belgrano» hamda «Rayo Valekano»da «surgun»da bo'ldi. Nihoyat, «Bari»ga qarshi bahsda Dibala Kaskesning uzatmasini golga aylantirdi. Taajjubki, aynan shu uchrashuvdan keyin Vaskes-Dibala tandemining samaradorligi tobora oshib bordi. Ular mavsum oxirida asosiy tarkibning doimiy vakillariga aylanishdi. Oqibatda, ikkovlon 25ta gol urgach, Ernandes-Lafferti juftligini Zamparini sotib yubordi. Argentinaliklar tandemi esa o'zining sermahsul hamkorligi bilan butun Italiyani maftun etdi. Bosh murabbiy Juzeppe Yakini 3-5-1-1 sxemasidan foydalanib, Vaskesni ikkinchi hujumchi, Dibalani esa asosiy forvard pozitsiyasida maydonga tushirardi. «Ular o'zaro telepatik aloqa o'rnatishgan», derdi murabbiy bir-birining harakatlarini yaxshi tushunadigan shogirdlarining o'yinini kuzatar ekan. 2014|2015 yillar mavsumini Paulo ajoyib gol bilan boshladi. Biroq gazetalarda nuqul Vaskesni olqishlashardi. Chunki u sentyabr oyidagi barcha o'yinlarda maydonni golsiz tark etmadi. Dibala esa ikki oylik tanaffusdan so'ng chinakamiga ishga kirishdi. «San Siro»da «Milan» darvozasini ishg'ol etish bilan «bolakay»ning yorqin davri boshlandi. U qatorasiga yana 5ta uchrashuvda raqiblarni gol bilan «siyladi». Ayniqsa, «Jenoa» darvozasiga yo'llagan burama to'pi hammani lol qoldirdi. Olisdan yo'llangan ana shu zarba hujumchiga «R kvadrat» taxallusini hadya etdi. Pol Pogbaning e'tiroficha, «Yuve»dagilar Dibalani aynan shunday atasharkan. PlayStation kompyuter o'yinida aylanma zarbani amalga oshirish uchun shu «R kvadrat» tugmachasini bosish talab etiladi. Paulo uni yashil maydonda jonli tarzda ijro etdi. Shundan keyin 20 yoshli noyob iqtidor sohibini argentinalik afsonalar bilan qiyoslash boshlanib ketdi. Kimdir uning timsolida bo'lajak Maradonani ko'rsa, boshqasi Messiga tenglashtiradi. Lekin mutaxassislarning aksariyati Pauloda Agueroning fazilatlari mujassam, degan to'xtamga kelishgandi. Boisi, Dibala kabi Serxio ham orqa chiziqda harakat qiladi, himoyachilarga yaqindan yordam beradi. Kordobalik vunderkindning ustun jihatlari - tezkor dribling, ikkala oyog'i bilan istalgan masofadan kuchli zarba yo'llash va samarali uzatmani o'z vaqtida amalga oshirish.
Italiya terma jamoasi bosh murabbiyi Antonio Konte Pauloni «moviy gvardiya»ga jalb etishga urinib ko'rdi. Biroq futbolchi bu taklifni rad etdi: «Meni Italiya bilan faqat katta buvimning shu erlik bo'lgani uchun berilgan fuqarolik pasporti bog'lab turadi. Qaysi terma jamoada to'p surishimni aniqlash vaqti kelganida hech ikkilanmay Argentinani tanladim. Agarda uning safidan joy ololmasam,faqat o'zimni ayblayman. Lekin hech qachon bayroqni almashtirishga rozi bo'lmayman. O'zimniki deya olmaydigan, madhiyasi o'zga va gullari ham menga atalmagan terma jamoada baxtli bo'lolmayman».
Dibalaning Argentina terma jamoasidagi debyuti 14 oktyabrda, Paragvayga qarshi bahs (0:0)da bo'lib o'tdi...
Davomi InterFUTBOL gazetasi blogida.
— deya xabar beradi uff.uz nashri.
O'zini tiklay olgan bolakay
2011 yilning qishida «Palermo» sport direktorii Luka Kattani olis Argentinaning Kordoba shahrida mahalliy «Belgrano» klubi vakillari bilan uchrashgandi. O'shanda funktsionerlar Patagon qo'chqorining go'shtidan tayyorlangan qovurdoqni tanovvul qilgan holda hujumchi Vaskesning transferi xususida muzokara olib borishgandi. Ittifoqo, Kordobaning boshqa bir jamoasi - «Instituto» prezidenti Xuan Karlos Barrera ham suhbatdoshlar davrasida edi.
- Demak, siz Vaskesni xarid qilishga qaror qildingiz. Tabriklayman, ajoyib transfer. Lekin bizda Vaskesdan ham yaxshiroq hujumchi bor! - dedi Barrera tushlik yakunida.
O'shanda «Instituto» prezidenti Paulo Dibalani nazarda tutgan, o'zining sermahsul o'yinlari bilan 18 yoshli hujumchi «javohir» taxallusiga ega bo'lgandi. Kattalar o'rtasidagi ilk mavsumni u 38ta uchrashuvda 17ta gol urish bilan yakunlagan, shu tariqa, afsonaviy Kempes (1978 yilgi jahon chempioni)ning klub rekordini yangilagan holda jamoaning eng yosh to'purari maqomini qo'lga kiritgandi. «Palermo» prezidenti Mauritsio Zamparini Dibalaning bitta uchrashuvini kuzatiboq, qat'iy qarorga keldi: «Bu yigitni imkon qadar tezroq sotib olish kerak. Vaqti kelib, u Kavani va Pastore kabi hujumchilardan o'zib ketadi».
Janubiy amerikalik legionerni sotib yuborgan Zamparini mo'maygina daromadga ega bo'lgandi. Shu bois, Dibalani xarid qilishda tirriqlik qilib o'tirmadi va «Inter», «Napoli»dek grandlar raqobatini engib o'tdi. Xullas, Paulo 12 mln. evro evaziga «Palermo» safidan joy oldi. Jamoa shu paytgacha bunchalik yirik transferni amalga oshirgan emasdi. Qolaversa, Evropa grandlarining e'tibori o'shanda «River Pleyt» yarim himoyachisi Okamposga qaratilgan, Dibalaga bo'lgan qiziqish kuchli emasdi.
«Palermo»ning dastlabki o'rtoqlik uchrashuvida argentinalik debyutant gol urishga muvaffaq bo'ldi. Lekin rasmiy uchrashuvlardagi gollari biroz kuttirib qo'ydi - noyabr oyidagi «Sampdoriya»ga qarshi bahsda hujumchi «dubl»ga erishdi. Shundan keyin muxlislar «Palermo»ning parvoziga umid qilishgandi. Biroq jamoa tobora quyiga sho'ng'ib, «A» seriyasini tark etishi oydinlashib qoldi. Hatto, Dibala ham yordam berolmadi.
«Palermo»ga kelgan kunim xayolimdan bir fikr o'tdi: «Voy-bo', namuncha issiq bu o'lka». Argentinada hech qachon bunday yuqori harorat kuzatilmaydi. Bilaman, Italiyada mendan ko'p narsani kutishardi. Ammo u erdagi futbolga moslashib olishim juda qiyin kechdi. Bu erda juda tezkor, jismoniy kuchga asoslangan futbol o'ynaladi. Hakamlar ham Argentinadagidek emas», - degandi Paulo keyinchalik Sportsweek jurnaliga bergan intervyusida.
Nima bo'lganda ham Pauloning Italiya futboliga moslashuvi cho'zilib ketdi. To'g'ri, «Palermo» «V» seriya musobaqasini ta'qibchisidan 14 ochkoga o'zib ketgan holda yakunlab, elitaga qaytdi. Biroq yuksak natijani Abel Ernandes, Lafferti va Bellotti kabi futbolchilar ta'minlashdi. Dibalaning gollarsiz «quruq» seriyasi naq 405 kunga cho'zilib, «javohir» laqabi o'rnini «bolakay» egalladi. Darvoqe, o'sha davrda Vaskes ham ishonchni oqlay olmadi va «Belgrano» hamda «Rayo Valekano»da «surgun»da bo'ldi. Nihoyat, «Bari»ga qarshi bahsda Dibala Kaskesning uzatmasini golga aylantirdi. Taajjubki, aynan shu uchrashuvdan keyin Vaskes-Dibala tandemining samaradorligi tobora oshib bordi. Ular mavsum oxirida asosiy tarkibning doimiy vakillariga aylanishdi. Oqibatda, ikkovlon 25ta gol urgach, Ernandes-Lafferti juftligini Zamparini sotib yubordi. Argentinaliklar tandemi esa o'zining sermahsul hamkorligi bilan butun Italiyani maftun etdi. Bosh murabbiy Juzeppe Yakini 3-5-1-1 sxemasidan foydalanib, Vaskesni ikkinchi hujumchi, Dibalani esa asosiy forvard pozitsiyasida maydonga tushirardi. «Ular o'zaro telepatik aloqa o'rnatishgan», derdi murabbiy bir-birining harakatlarini yaxshi tushunadigan shogirdlarining o'yinini kuzatar ekan. 2014|2015 yillar mavsumini Paulo ajoyib gol bilan boshladi. Biroq gazetalarda nuqul Vaskesni olqishlashardi. Chunki u sentyabr oyidagi barcha o'yinlarda maydonni golsiz tark etmadi. Dibala esa ikki oylik tanaffusdan so'ng chinakamiga ishga kirishdi. «San Siro»da «Milan» darvozasini ishg'ol etish bilan «bolakay»ning yorqin davri boshlandi. U qatorasiga yana 5ta uchrashuvda raqiblarni gol bilan «siyladi». Ayniqsa, «Jenoa» darvozasiga yo'llagan burama to'pi hammani lol qoldirdi. Olisdan yo'llangan ana shu zarba hujumchiga «R kvadrat» taxallusini hadya etdi. Pol Pogbaning e'tiroficha, «Yuve»dagilar Dibalani aynan shunday atasharkan. PlayStation kompyuter o'yinida aylanma zarbani amalga oshirish uchun shu «R kvadrat» tugmachasini bosish talab etiladi. Paulo uni yashil maydonda jonli tarzda ijro etdi. Shundan keyin 20 yoshli noyob iqtidor sohibini argentinalik afsonalar bilan qiyoslash boshlanib ketdi. Kimdir uning timsolida bo'lajak Maradonani ko'rsa, boshqasi Messiga tenglashtiradi. Lekin mutaxassislarning aksariyati Pauloda Agueroning fazilatlari mujassam, degan to'xtamga kelishgandi. Boisi, Dibala kabi Serxio ham orqa chiziqda harakat qiladi, himoyachilarga yaqindan yordam beradi. Kordobalik vunderkindning ustun jihatlari - tezkor dribling, ikkala oyog'i bilan istalgan masofadan kuchli zarba yo'llash va samarali uzatmani o'z vaqtida amalga oshirish.
Italiya terma jamoasi bosh murabbiyi Antonio Konte Pauloni «moviy gvardiya»ga jalb etishga urinib ko'rdi. Biroq futbolchi bu taklifni rad etdi: «Meni Italiya bilan faqat katta buvimning shu erlik bo'lgani uchun berilgan fuqarolik pasporti bog'lab turadi. Qaysi terma jamoada to'p surishimni aniqlash vaqti kelganida hech ikkilanmay Argentinani tanladim. Agarda uning safidan joy ololmasam,faqat o'zimni ayblayman. Lekin hech qachon bayroqni almashtirishga rozi bo'lmayman. O'zimniki deya olmaydigan, madhiyasi o'zga va gullari ham menga atalmagan terma jamoada baxtli bo'lolmayman».
Dibalaning Argentina terma jamoasidagi debyuti 14 oktyabrda, Paragvayga qarshi bahs (0:0)da bo'lib o'tdi...
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
301