Mazkur musobaqadagi birinchi uchrashuvini 23 fevral sanasida o'tkazadigan “Lokomotiv” futbol klubi OAV vakillari uchun akkreditatsiya jarayonini boshladi.
“Lokomotiv” ishtirokidagi uy uchrashuvlarini media tribunadan tomosha qilish, o'yinoldi va o'yindan keyingi matbuot anjumanlarida ishtirok etish, mikst zonaga kirish huquqini olish istagida bo'lgan OAV vakillari 19 fevral sanasiga qadar 3x4 hajmdagi 1 ta rasm, pasport nusxasi hamda ish joyidan rasmiy xatni elektron ko'rinishda [email protected] elektron manziliga yuborishlari so'raladi.
Ro'yxatdan o'tgan OAV vakillarining akkreditatsiyalari 22 fevral kuni o'tkaziladigan o'yinoldi matbuot-anjumanida o'z egalariga topshiriladi.
— deya xabar beradi uff.uz nashri.