"Chelsi" xo'jayini Roman Abramovich "Atletiko" bosh murabbiyi Diego Simeoneni jamoa boshqaruviga taklif etish fikridan voz kechdi.
Xabar qilinishicha, rossiyalik milliarderga "Atletiko" namoyish etayotgan o'yin uslubi u qadar ma'qul emas. Abramovich Simeonening uslubini "Chelsi"ning sobiq ustozi Joze Mourinonikiga o'xshatmoqda va uni jamoa boshqaruviga taklif etish fikridan qaytdi.
Roman Abramovichga "Yuventus" bosh murabbiyi Massimiliano Allegri yoki Italiya termasi bosh murabbiyi Antonio Konte ko'proq ma'qul kelmoqda.
Eslatib o'tamiz, "Chelsi"ni ayni vaqtda boshqarib turgan Gus Xiddink bilan shartnoma mavsum oxiriga qadar imzolangan.
— deya xabar beradi uff.uz nashri.