Toshkentdagi “Rohat” mehmonxonasida istiqomat qilayotgan “Qo'qon-1912” jamoasi mashg'ulotlarga zo'r bergan holda yig'inni davom ettirmoqda. Bu yog'iga har bir kun g'animat. Chempionat bahslari boshlanishiga ham oz vaqt qoldi. Bundan unumli foydalanib qolish kerak. 10 fevral kuni jamoamiz 2-mahal amaliy va 1 marta nazariy mashg'ulotlar o'tkazdi. Ertalabki mashg'ulotlarda asosan futbolchilarga jismoniy yuklamalar berildi. Ular ko'proq yugurish mashqlarini bajarishdi. Tushdan keyin esa nazariy mashg'ulotlar bo'lib o'tdi. Kechki mashg'ulotlarda esa asosan to'p bilan ishlandi va nazariy mashg'ulotlarda o'rgatilgan narsalar amalda sinab ko'rildi. Ertaga to'rtinchi yig'in doirasidagi birinchi nazorat uchrashuvi o'tkaziladi. Raqib esa Jizzaxning “So'g'diyona” jamoasi.
— deya xabar beradi uff.uz nashri.