Madridning "Atletiko" jamoasi himoyachisi Diego Godin "Barselona"ga (1:2) qarshi kechgan Ispaniya chempionatining 22-tur uchrashuvida orttirib olgan jarohatidan forig' bo'lgan. Bu haqida ispan klubi matbuot xizmati xabar tarqatdi. Manbada aytilishicha, 29 yoshli urugvaylik futbolchi umumiy guruh mashg'ulotlariga qaytgan va cheklovlarsiz shug'ullanmoqda. Himoyachi "Xetafe"ga qarshi kechadigan La Liganing navbatdagi tur uchrashuvida ishtirok eta olishi kutilmoqda. Joriy mavsumda Godin Primerada 22 marta maydonga tushib, bitta gol kiritgan.
— deya xabar beradi uff.uz nashri.