Angliya chempionati 25-turida "Sanderlend" jamoasi o'z maydonida "Manchester Yunayted" klubi bilan o'zaro bahs olib bordi. Unda 2:1 hisobi qayd etilib, maydon egalarining g'alabasi bilan yakun topdi. Uchrashuvning 3-daqiqasidayoq David De Xea o'z davrozasidan to'p olib chiqishga majbur bo'ldi. O'sha vaziyatda Xazri gol kiritgandi. 39-daqiqada Antoni Marsyal hisobni tenglashtirdi. Ikkinchi bo'limning 82-daqiqasida Kone jamoasiga g'alaba keltirgan gol muallifi bo'ldi. Shu tariqa, Sem Ellardays shogirdlari o'z maydonida 3 ochkoni qo'lga kiritishdi. Mazkur o'yindan so'ng Lui van gal jamoasi 41 ochko bilan qolib ketdi. Ular hozircha 5-o'rinda borishmoqda. "Qora mushuklar" 23 ochko to'plagan holda 18-pog'onaga ko'tarilishdi.  Angliya chempionati, 25-tur Sanderlend - Manchester Yunayted - 2:1
Gollar: Xazri (3), Kone (82) - Marsyal (39)
Sanderlend: Mannone, Edlin, O'Shi, Kattermol (Toivonen, 85), Kone, van Anxolt, Kirkxoff (Roduell, 15), M'Vila, Xazri, N'Doye, Defo (Borini, 71).
Manchester Yunayted: De Xea, Darmian (Lav, 38), Smolling, Blind, Bortvik-Jekson, Shnayderlin (Kin, 86), Kerrik, Lingard (Depay, 63), Mata, Marsyal, Runi
Ogohlantirishlar: Edlin (38), O'Shi (45) - Runi (46), Mata (58), Kerrik (59).
— deya xabar beradi uff.uz nashri.