Ispaniya chempionati 24-turida "Valensiya" hamda "Espanol" jamoalari to'qnash kelishdi. Mazkur o'yinda 2:1 hisobi qayd etilib, maydon egalarining g'alabasi bilan yakunlandi. Uchrashuvda dastlab mehmonlar hisobni ochishdi. 52-daqiqada Duarte gol muallifiga aylandi. 71-daqiqada Alvaro Negredo hisobni tenglashtirgan bo'lsa, 5 daqiqadan so'ng Denis Cherishev "ko'rshapalaklar"ga g'alaba keltirgan gol sohibi bo'ldi. Shunday qilib, Gari Nevill qo'li ostida chempionatning 9 o'yinidan buyon g'alabaga erisha olmagan "Valensiya" bugun orziqib kutilgan 3 ochkoga ega bo'ldi. Ispaniya chempionati, 24-tur Valensiya – Espanol 2:1
Gollar: Negredo, 71, Cherishev, 76 - Duarte, 52
Valensiya: Diego Alves, Aderlan Santos, Sikeyra, Joau Kanselu, Abdennur (Ruben Vezu, 7), Parexo, Peres, Cherishev (Barragan, 84), Feguli, Rodrigo (Negredo, 58), Pako Alkaser.
Espanol: Lopes, Alvaro Gonsales, Alvares, Lopes, Duarte, Asensio, Diop, Abraam, Burgi (Roko, 80), Kaysedo (Sanches, 66), Silla (Moreno, 12).
Ogohlantirishlar: Peres - Alvaro Gonsales, Diop, Abraam
— deya xabar beradi uff.uz nashri.