“Bavariya” klubi bo'lajak bosh murabbiyi Karlo Anchelottining yozgi transferlar mavsum vaqtidagi bosh maqsadlaridan biri ma'lum bo'ldi. Sport Bild nashrining ma'lumotiga ko'ra, Anchelotti jamoasida “Yuventus” klubi hamda Argentina terma jamoasi hujumchisi Paulo Dibalani ko'rishni istamoqda. Boz ustiga italiyalik murabbiy Dibalaga Robert Levandovskining davomchisi sifatida emas, balki uning hujum chizig'i bo'yicha sherigi sifatida qaramoqda. Avvalroq, 22 yoshli argentinalik futbolchiga “Barselona” hamda “Real” klublari tomonidan qiziqish borligi ma'lum bo'lgandi. Joriy mavsumda Dibala Italiya A Seriyasining 23ta o'yinida maydonga tushib, 13ta gol hamda 10ta golli uzatmaga mualliflik qilgan.
— deya xabar beradi uff.uz nashri.