Kievning «Dinamo» klubi sobiq hujumchisi Maksim Shatskix Chempionlar ligasi doirasida «Manchester Siti»ga qarshi kechadigan o'yin haqida fikrlarini bildirdi.
 - Bu o'yinda yaxshigina kurash bo'lishi tabiiy. «Manchester Siti» Angliya chempionatida etarlicha amaliyotga ega bo'lib ulgurgan, «Dinamo» esa katta futbolni sog'inib qolgani shubhasiz. Boz ustiga ingliz jamoalariga qarshi kechadigan bahslar har doim katta qiziqishga sabab bo'ladi.
Bu o'yinda «Dinamo»ning vazifasi - gol o'tkazib yubormaslik. Umuman, katta hisob bo'ladi, deb o'ylamayman. Kievliklar birinchi o'yinda bo'ladigan natijaga safarda juda bog'lanib qolishi turgan gap. Demak yuzaga keladigan har bir vaziyat va yarimta vaziyatdan ham foydalanish shart. Keyin esa qarshi hujumda o'ynasa ham bo'laveradi. «Dinamo» bu ishni juda yaxshi uddalaydi, - deydi Shatskix.
— deya xabar beradi uff.uz nashri.