O'zbekiston olimpiya terma jamoasi 2016 yilda Braziliyada bo'lib o'tadigan yozgi Olimpiada bahslarining futbol musobaqasiga to'g'ridan-to'g'ri yo'llanma olish uchun yanvar oyida Qatarda bo'ladigan Qit'a chempionatida qatnashadi. Hozirda olimpiyachilarimiz o'quv-yig'in mashg'ulotlarini davom ettirmoqda. Xo'sh, bu safar futbolchilarimiz Olimpiada yo'llanmasini naqd qila oladimi? Bunga oydinlik kiritish istagida termaning asosiy himoyachilaridan biri bo'lgan Bobur Yo'ldoshevni fikrlariga qiziqdik.
 - Oldimizda masu'liyatli vazifa turibdi. Kim ham Olimpiada yo'llanmasiga ega chiqishni istamaydi deysiz? Har holda bizning olimpiyachilarimizning ham asosiy maqsadi Rioga borish hisoblanadi. Shu boisdan o'quv-yig'in mashg'ulotlariga jiddiy e'tibor bergan holda tayyorgarlikni kuchaytirmoqdamiz. Ishonamanki, biz albatta Olimpiada o'yinlariga yo'llanma olishni uddasidan chiqamiz. Bunnig uchun yanada birdam bo'lishimiz va raqiblarni yaxshi o'rganishimiz lozim. Guruhdagi raqiblarimiz ancha kuchli. Lekin hammani hurmatini joyga qo'ygan holda, kim kuchli ekanligini maydonda ko'rsatamiz, - deydi Yo'ldoshev UFF.uz internet portaliga bergan intervyusida.

— deya xabar beradi uff.uz nashri.