O'zbekiston milliy terma jamoasiga nomzod Vagiz Galiulin «Ufa» bilan shartnomani bekor qilib, «Tosno» klubiga o'tishi haqida xabar qilgan edik. Uning yangi jamoasi hamyurtimiz bilan yarim yillik shartnoma imzolanishini ma'lum qildi.
«Galiulin hozircha bizga o'tgani yo'q. Muzokaralar ketyapti, biroq shartnomaga hali qo'l qo'yilmagan. U hozirda «Ufa» bilan shartnomani bekor qildi, biz esa uni safimizga qo'shib olmoqchimiz. Tez orada bu haqda rasman e'lon qilamiz.
Jamoa ertaga yig'inga yo'l oladi. Vagiz biz bilan ketadi. U «Tosno»da shug'ullanadi. Galiulin bilan yarim yillik kelishuv imzolanishi rejalashtirilgan, u qaysi raqamda o'ynashini esa shartnoma imzolanganidan keyin hal qilamiz», — deydi klub vakili.
Joriy mavsumda 28 yoshli Vagiz Galiulin «Ufa» tarkibida to'qqiz o'yin o'tkazdi. Biroq biror marta na gol urdi, na golli uzatmani amalga oshirdi.
— deya xabar beradi uff.uz nashri.