2015 yil futboli e'tiborga molik voqealarning ko'pligi bilan ajralib turdi. Ayniqsa, FIFA tegrasidagi mojarolar muntazam ravishda OAV diqqat markazida bo'ldi. Sports.ru saytining «Uzbekskaya kuxnya» blogi yangi mavsumga yaxshi kayfiyat bilan qadam qo'yish maqsadida o'tgan yili turli muammolarga qaramay, ijobiy xislatlarini namoyish etgan futbolchilarni yana bir bora alohida ta'riflashni lozim topdi. Ularni bemalol superqahramonlarga qiyoslash mumkin. Xususan, quyidagi maqolada O'zbekiston milliy jamoasi etakchi futbolchilaridan biri Aziz Haydarov e'tirof etilgan.
- Deyarli bir yil (53 hafta) muqaddam blogimiz tarixidagi eng mashhur qayd qoldirildi. O'shanda saytning bosh sahifasini egalladik, maqola esa keyinchalik ijtimoiy tarmoqlarga tarqaldi. O'shanda muallif o'zbekistonliklarning vahimali KXDR termasini 1:0 hisobida mag'lubiyatga uchratganlari haqida yozgandi. Xullas, «Oq bo'rilar»ning Osiyo kubogi favoritlaridan biri ekanliklari borasidagi muhokamalar bosh mavzuga aylandi. O'sha bahsda Qosimov shogirdlari ochko yo'qotishlari ham hech gap emasdi. Zero, o'yin yakunlanishiga yaqin Park Kva Ren bo'sh darvozani ishg'ol qilishi mumkin edi, ammo Aziz Haydarovning o'z vaqtida sheriklarini qo'llab-quvvatlashi natijasida xavfli vaziyat bartaraf etildi.
Shuni qo'rqmay ayta olamanki, Haydarovning O'zbekis-ton termasidagi o'rnini hech kim bosolmaydi. Uning roli deylik, Odil Ahmedovnikidan ham muhimroq.
Aziz «Bunyod-  kor»ning gullagan davrida Rivaldo bilan yonma-yon to'p surgan kamsonli futbolchilardan biri. U shuningdek, termaning bir uchrashuvini to'laligicha tayanch chizig'ida o'tkazadigan yagona o'yinchi sanaladi. Muhimi, garchi 30 yoshga to'lgan bo'lsada, hamon Evropaning ko'zga ko'ringan klubida o'ynab ketish uchun barcha imkoniyatlarga ega.
Yulduzli «Real»ning asosiy «figura»laridan sanalgan - Klod Makelelening sotib yuborilishi futbol tarixida yo'l qo'yilgan eng katta xatolardan biri sifatida tilga olinadi. Zidan, Figu va «galaktikos»ning bosh-qa vakillari gol urib, omma olqishini olayotgan bir pallada frantsiyalik yarim himoyachi ularga qulay sharoit yaratib berish barobarida raqib hujumlarini bartaraf etish bilan band bo'lardi. Florentino Peres esa uning maoshini oshirishni xohlamadi. Yakunda Klod Londonning «Chelsi»siga o'tib, chempionlikka erishdi. «Re-al» esa keyingi yillarda faqatgina EChL 1|8 finali bilan kifoyalandi. Sport nuqtai nazaridan olib qaraganda, Haydarov hozir aynan shunday holatda. Azizning bor kuchini berib o'ynashi muhokamadan xoli: xatolardan imkon qadar uzoq yuradi, burchak to'pini amalga oshirish payti butun jamoa oldinga borganida, u raqibning qarshi hujumiga to'sqinlik qilishga tayyorgarlik ko'radi. Faqatgina o'tgan yilning mart oyi oxirlarida yaponlarga qarshi o'tkazilgan o'rtoqlik uchrashuvini istisno tariqasida keltirish mumkin.
Aziz Haydarov vaqtida Rossiya premer-ligasiga o'tishi ham mumkin edi, unga «Rostov» qiziqdi. Ammo kelishuv amalga oshmagach, futbolchi BAAga yo'l olib, «Al-Shabab» safiga qo'shildi. Haydarov ayni payt ushbu klubda etakchi hisoblanadi. Deylik, sardorlik bog'ichini o'ziniki qilgan futbolchi so'nggi 5 yil mobaynida mahalliy chempionat yulduzlaridan biriga aylandi. Garchi Azizga Rossiyada o'ynash nasib qilmagan bo'lsada, uning faoliyati bir maromda kechyapti, futbol nuqtai nazaridan esa, ideal tarzda rivojlanyapti.
Eng muhimi, Haydarov barcha murabbiylar bilan til topisha oladi, jamoadoshlari orasida qisqa vaqt ichida obro' orttiradi. Xullas, u tartib-qoidalarga to'liq amal qiluvchilar sirasidan. 2015 yil Aziz uchun omadli keldi, deyishga asoslar etarli. O'zbekiston termasi jahon chempionatiga chiqish uchun barcha imkoniyatlarni saqlab turibdi. Ijobiy natijalarda nafaqat Ahmedov, Denisov va Rashidov, balki Haydarov singari irodali futbolchilarning ham hissalari beqiyos. Aziz kabi o'yinchilar balki ishqibozlar nigohidan chetda qolishar, ammo mehnatkashlik bobida har qaysi jamoadoshlarini ortda qoldirishlari inkor etib bo'lmas haqiqatdir. Bunday futbolchilar O'zbekistonda ko'p. Ammo vaqt ortga qaytmaydi.
Davomi InterFUTBOL gazetasi blogida.
— deya xabar beradi uff.uz nashri.