Italiyaning “Latsio” jamoasi yarim himoyachi Felipe Andersonni 50 mln evroga sotmadi, deya xabar bermoqda Football Italia nashri. Ma'lumotlarga qaraganda, 22 yoshli futbolchini “Manchester Yunayted” sotib olmoqchi bo'lgan, biroq, rimliklar sport direktorining aytishicha, jamoa barqarorlikni saqlash uchun uni sotmagan. “Andersonni saqlab qolganimiz xato bo'lishi mumkin, ammo, jamoa barqarorligini yo'qotmaslik uchun  shunday qarorga keldik. Biz 50 mln evroga teng taklifni rad etganmiz”, - deydi “Latsio” sport direktori Igli Tare. Joriy mavsumda braziliyalik futbolchi rimliklar safida 33 ta o'yin o'tkazib, ettita gol va uchta golli uzatmaga mualliflik qilgan. 
— deya xabar beradi uff.uz nashri.