«Manchester Siti» bosh murabbiyi Manuel Pellegrini Angliya chempionati doirasida «Tottenxem»ga qarshi kechgan uchrashuvni (1:2) boshqarib borgan hakam Mark Klattenburgni tanqid qilgani uchun jazolanmaydi.
Eslatib o'tamiz, Klattenburg ikkinchi bo'lim boshida «Manchester Siti» darvozasi tomon penalti belgilagan va Xarri Keyn uni aniq amalga oshirgan edi. Pellegrini bu haqida shunday degan: «Mark Klattenburg bu penaltini qo'yishni istagan edi va u bu ishni amalga oshirdi. Uning qarori mutlaqo noto'g'ri edi».
VVS nashri tomonidan xabar qilinishicha, Pellegrini bu tanqidi uchun jazolanmaydi.
— deya xabar beradi uff.uz nashri.