Evropa Chempionlar ligasi musobaqasining 1/8 finalidan o'rin olgan "PSJ" hamda "Chelsi" klublari o'rtasidagi uchrashuv nihoyasiga etdi. Unda 2:1 hisobi qayd etilib, parijliklarning g'alabasi bilan yakunlandi. O'yin kutilganidek, shiddatli kurashlarga boy tarzda o'tdi. 39-daqiqaga kelib, Zlatan Ibrohimovich jamoasini oldinga olib chiqdi. Ammo, birinchi bo'lim oxirlarida Obi Mikel oradagi farqni yo'qqa chiqardi. Jamoalar ikkinchi bo'limga katta kuch bilan tushishdi. Tinimsiz hujumlarning birida Edinson Kavani baribir o'z so'zini ayta oldi. 78-daqiqada urugvaylik hujumchi o'yin taqdirini hal qiluvchi golini kiritdi. Shu tariqa "PSJ" muhim o'yinda g'alaba qozondi va jaqob uchrashuvi oldidan yaxshi imkoniyatga ega bo'ldi.
Chempionlar ligasi, 1/8 final
PSJ Frantsiya – Chelsi Angliya 2:1 (1:1, 1:0)
Gollar: 1:0 – 39 Ibrohimovich, 1:1 – 45 Obi Mikel, 2:1 – 78 Kavani.
PSJ – Trapp, Markinos, Tiago Silva, David Luiz, Maksvell, Verratti (Rabo, 81), Motta, Matyuidi (Pastore, 81), Di Mariya, Ibrohimovich, Lukas (Kavani, 74).
Chelsi – Kurtua, Aspilikueta, Keyxill, Ivanovich, Baba, Obi Mikel, Fabregas, Pedro, Villian, Azar (Oskar, 71), Diego Kosta.
Ogohlantirishlar: Ibrohimovich (19), Obi Mikel (38), Pedro (67), Lukas (70), David Luiz (71).
— deya xabar beradi uff.uz nashri.