“Lester” jamoasi bosh murabbiyi Klaudio Ranerining aytishicha, ushbu mavsumda jamoaning oldiga chempion bo'lish vazifasi qo'yilmagan. “Klub muxlislari biz bilan faxrlanayotgan bo'lishsa kerak, chunki jamoa katta natijalarga erishmoqda. Futbolchilar mana shu ruhda kurash olib borishini xohlayman. Muxlislar bizdan chempionlikni kutishi tabiiy, ammo, biz bu haqda o'ylamayapmiz. Faqatgina ishimizni davom ettirmoqdamiz. Premer-ligada “Lester” eng yaxshi jamoa emas. Bizdan ko'ra kuchli klublar talaygina va “Arsenal” shular jumlasidandir. Menimcha, ular bu yil g'olib chiqishadi. Hozirda kelasi mavsum uchun poydevor qurishimiz kerak. Mening bir orzuim bor, ammo, u haqida aytmayman”, - deydi italiyalik mutaxassis. 
— deya xabar beradi uff.uz nashri.