Futzal bo'yicha Osiyo chempionati chorak finali doirasida O'zbekiston va Iroq terma jamoalari o'rtasida kechgan o'yindan so'ng (3:0) dastlab matbuot anjumanida raqib jamoa bosh murabbiyi Haysam Abbos ishtirok etdi. - O'yin haqida faqat bir gap aytishim mumkin, futzalda gol urmasang, senga urishadi. Biz qancha imkonitni qo'ldan boy berdik, raqib esa barchasidan unumli foydalandi. - Bugungi o'yin natijasiga ishqibozlar ham taxsir o'tkazdi deb hisoblaysizmi?
- Yo'q, biz birinchi bo'limda bunday ishqibozlar bor joyda ham o'ynash mumkinligini isbotlab berdik. - Ko'p vaziyatlardan foydalana olmadingiz. Jamoangizga sovuqqonlik etishmadimi yoki Rustam Umarov bunga sababmi?
- Albatta hujumchilarga sovuqqonlik etishmaganini aytish mumkin. Bizga ruhiyat etishmadi. - Futzalchilaringizga jismoniy tayyorgarlik etishmadimi, boisi ko'p jarohat olishdi. Boz ustiga ortiqcha asabiylashib yuborganlarini ko'rdik.
- Yo'q, futzalchilarimiz bir birini qo'llab quvvatladilar. Chetdan qaraganda ular o'zaro kelisha olmay qolgandek ko'rinishi mumkin, aslida unday emas.
- O'ninchi va o'n birinchi raqamli futzalchilaringiz almashtirib bo'lmas edimi?
- Biz uchga bir, ya'ni uch himoyachi va bir hujumchi bilan o'ynagandik. Biz g'alaba qozonishni rejalashtirgandik va shu asosda o'ynadik.
- Eron va O'zbekistonga qarshi o'ynadingiz, ulardan qay biri chempion bo'ladi, deb o'ylaysiz?
- Eron!
- Birinchi bo'limda shiddatli o'ynadik, deb aytdingiz. Nima uchun bu ishni ikkinchi bo'limda davom ettira olmadingiz?
- Buning sababi shundaki. O'zbekiston gol ura oldi, biz esa yo'q.
- Avstraliyaga qarshi kechadigan o'yin oldidan qanday fikrdasiz?
- Ular Tailandga qanday hisobda yutkazishdi?
- 1:6.
- Biz hozirgina bu borada futzalchilar bilan gaplashib oldik va ularga ushbu o'yin tarixda qolganini aytib o'tdim. Biz endi yangi kayfiyat bilan yangi o'yinga tayyorlanishimiz lozim. Biz hali kurashda davom etamiz.
— deya xabar beradi uff.uz nashri.